OĞUZ VӘ QIPÇAQ QRUPU TÜRK DILLӘRINDӘ ŞӘXS KATEQORIYASI

Abstract

Şәxs şәkilçilәri bütün türk dillәrindә önәmli qrammatik kateqoriya kimi fellәrlә artırılmaqla fikrin ifadәsindә mühüm rol oynayır. Danışıq prosesindә hökmü ifadә etmәyә xidmәt edәn şәxs haqqında mәlumat verәn bu kateqoriya digәr morfoloji kateqoriyalarla sıx bağlıdır. Digәr türk dillәrindә olduğu kimi, Azәrbaycan dilindә dә bu kateqoriya cümlәlәrdә sintaktik әlaqәlәrin yaranmasında mühüm rol oynayır. Türk dillәrinin qrammatik quruluşunda şәxs kateqoriyası qәdim tarixi dövrlәrdәn günümüzә qәdәr inkişaf mәrhәlәsi keçmişdir. Müasir türk dillәrindә vә dialektlәrindә bu kateqoriyanın müxtәlif fonetik variantlarda işlәnmәsi müşahidә olunur. Oğuz vә qıpçaq türk dillәrinin dialektlәrindә bu kateqoriyanın tarixәn maraqlı xüsusiyyәtlәrә malik olduğu tәdqiqatçılar tәrәfindәn dә qeyd edilir.